تومۇز ياز شامىلى تىيانشان تېغىنىڭ شىمالىي ئېتىكىنى سىيپاپ ئۆتكەندە، شىنجاڭ سانجى ئوبلاستى مورى قازاق ئاپتونوم ناھىيەسىدىكى ماچۈەنۋەن خۇددى ئاستا- ئاستا يېيىلغان تەبىئەت رەسىمىگە ئوخشاش ئەڭ گۈزەل قىياپىتىنى كىشىلەرگە نامايان قىلدى. ئېگىز- پەس تاغ تىزمىلىرى چېكى يوق يېشىل گىلەمگە ئايلىنىپ بۇلۇتلارغا تۇتاشتى. شامال سىيپاپ ئۆتكەندە، ئوت- چۆپلەر زۇمرەتتەك سۇ كەبى دولقۇنلاپ، ھاياتلىقتىكى جۇشقۇنلۇقنى يەنىمۇ ئۇرغۇتتى. تىيانشان شەمشادلىرى تاغ ئارىسىدا قاتار تىزىلىپ، ھەيۋەتلىك قامىتى بىلەن قېنىق يېشىل رەڭدە قەد كۆتۈرۈپ، يايلاق بىلەن بىر- بىرىگە ھۆسن قوشۇپ، قاتلاملىرى ئېنىق بولغان ئىستېرېئولۇق مەنزىرىنى سىزىپ چىقتى. ياۋا گۈللەر چىملىق ئارىسىدا ئاستا- ئاستا ئېچىلىپ، بۇ يېشىل دالىغا رەڭگارەڭ تۈس قوشتى.

　ماچۈەنۋەننىڭ تومۇز كۈنلىرىنى قەلەم بىلەن ئارتۇقچە تەسۋىرلەش ھاجەتسىز، بۇ يەردىكى ھەربىر تال گۈل- گىياھمۇ شېئىرغا ئايلىنىپ، قەدەمدە بىر مەنزىرە رەسىمگە ئۆزگىرىپ، كىشىلەرنىڭ دۇنيادىكى بۇ گۈزەل مەنزىرىدىن ھۇزۇرلىنىشىنى تەقەززالىق بىلەن كۈتىدۇ.