يېقىندا، جياڭشى ئۆلكىسى پىڭشياڭ شەھىرى شياڭدۇڭ رايونى تۇڭخۇاگۇ سۇ ئۈستى لاگېرىدا كۈلكە سادالىرى ئۈزۈلمىدى، ساياھەتچىلەر قولۋاق سەيلىسى قىلىش، شياڭجياۋ كېمىسىگە ئولتۇرۇش قاتارلىق سۇ ئۈستى تۈرلىرىنى ھېس قىلدى. بۇ يەر زۇمرەتتەك سۈزۈك، يېشىل تاغلار بىلەن ئورالغان بولۇپ، خۇددى بىر پارچە جانلىق، گۈزەل ئېكولوگىيەلىك رەسىمگە ئوخشايدۇ.

　تۇڭخۇاگۇ جىلغىسى سۇ ئۈستى لاگېرى بەيجۇ يېزىسى چۇڭيۈەن كەنتىگە جايلاشقان، چۇڭيۈەن كەنتىنىڭ بايلىق ئەۋزەللىكىنى مەۋقە قىلىپ، يېزا- كەنت تەرەققىياتىنىڭ يېڭى يولى ئۈستىدە پائال ئىزدەنگەنلىكىنىڭ نەتىجىسى بولۇپ، شۇ جاينىڭ ئىقتىسادىي تەرەققىياتىغا كۆرۈنەرلىك ئۈنۈم ئېلىپ كەلدى. لاگىرنىڭ ئىشىك بېلىتى كىرىمى، ساياھەت تۈرى ھەققى ۋە يېمەك-ئىچمەك، قونالغۇ قاتارلىق ئالاقىدار يۈرۈشلۈك مۇلازىمەتلەرنىڭ پايدىسى كەنت كوللېكتىپىغا كۆرۈنەرلىك كىرىم ئېلىپ كەلدى. بۇ كىرىملەر كەنتنىڭ ئۇل ئەسلىھە ۋە ئاممىۋى مۇلازىمىتىنى ياخشىلاشقا ئىشلىتىلدى، شۇنداقلا كەنتنىڭ كەسىپ تەرەققىياتىنى مەبلەغ مەدىتى بىلەن تەمىنلىدى. ئەسلىدە سىرتقا چىقىپ ئىشلەمچىلىك قىلىۋاتقان بىر قىسىم كەنت ئاھالىلىرى يۇرتىنىڭ تەرەققىيات پۇرسىتىنى كۆرۈپ، بەس- بەستە يۇرتىغا قايتىپ ئىشقا ئورۇنلىشىشنى تاللىدى، ئۇلار ئىشىكى ئالدىدىلا «ئېكولوگىيە تامىقى» يېيەلەيدىغان بولۇپلا قالماي، يەنە ئائىلىسىدىكىلەرنىڭ ھالىدىن خەۋەر ئالالايدىغان بولدى، «ئىشقا ئورۇنلىشىشتا يۇرتىدىن ئايرىلماسلىق» ئارزۇسى ئىشقا ئاشتى. (ياۋ يۈتىڭ)