ھېلىقى شىنجاڭلىق ياتاقداشلىرى بىلەن ئىلى خەلق ناخشىلىرىنى ئېيتىپ توردا تونۇلغان شەندۇڭلۇق يىگىت ياڭ زىخاۋ ئېسىڭىزدىمۇ؟ 3- ئاينىڭ 27- كۈنى، ئۇ شىنجاڭدا ھاياتىدىكى ئالاھىدە بىر كۈن بولغان 19 ياشقا كىرگەن تۇغۇلغان كۈنىنى ئۆتكۈزدى، ئۇنىڭ ياتاقداشلىرى ۋە ساۋاقداشلىرى ئۇنىڭغا تورت تەييارلاپ، ئۇنى ھەيران قالدۇرۇۋەتتى، ساۋاقداشلىرى ئۇنىڭغا كوللېكتىپ تۇغۇلغان كۈن ناخشىسى ئېيتىپ بەردى، نەچچە مىڭ چاقىرىم يىراقلىقتىن كەلگەن بۇ شەندۇڭلۇق يىگىت: «مېنىڭ بۇ شىنجاڭلىق ساۋاقداشلىرىم بەك قالتىس، خۇددى ئۆزۈمنىڭ ئۆيىدە توغۇلغان كۈن ئۆتكۈزگەندەك بولدۇم!» دېدى. بۇ ئىللىق سىن كۆرۈنۈشى ئېلان قىلىنىشى بىلەنلا تورداشلارنىڭ قىزغىن مۇنازىرىسىنى قوزغىدى، كۆپچىلىك بەس- بەستە شىنجاڭلىقلارنىڭ قىزغىنلىقى ۋە «شىنجاڭ- شەندۇڭ» دوستلۇقىغا ئاپىرىن ئوقۇدى.

ياڭ زىخاۋ شەندۇڭ لياۋچېڭدىن كەلگەن بولۇپ، ئىلى سىفەن داشۆسىنىڭ مۇزىكا كەسپىدە ئوقۇيدۇ. كۈندىلىك تۇرمۇشتا، ياڭ زىخاۋ ياتاقداشلىرى بىلەن بىرلىكتە شىنجاڭ خەلق ناخشىلىرىنى ئېيتىپ، ئۆز ئارا ھەر قايسى جايلارنىڭ شېۋىسىنى ئۆگەندى، ھازىر ئۇ شىنجاڭنىڭ تۇرمۇشىغا پۈتۈنلەي سىڭىشىپ كەتتى. 3- ئاينىڭ 12- كۈنى، ياڭ زىخاۋ يەنە ئىلى چوڭ تىياتىرخانىسىدا ئارتىسلار بىلەن بىرلىكتە شىنجاڭ ئۇسسۇلى ئويناپ، تورداشلار تەرىپىدىن «ھەقىقىي شىنجاڭلىق ئوغۇل بالا بوپتۇ» دەپ تەرىپلەندى.

ياڭ زىخاۋنىڭ ئېيتىشىچە، شىنجاڭلىقلارنىڭ قىزغىنلىقى، ئۆزىنى ئەركىن قويۇپ ياشىشى ئۇنىڭغا چوڭقۇر تەسىر كۆرسىتىپتۇ. ھازىر ئۇ ئۆزىگە كەلگۈسىدە دوستلىرى بىلەن بىرلىكتە كامېرا ئارقىلىق گۈزەل شىنجاڭنىڭ تېخىمۇ كۆپ كۆرۈنۈشىنى پۈتۈن مەملىكەتكە، ھەتتا پۈتۈن دۇنياغا كۆرسىتىپ بېرىشتەك يېڭى نىشاننى بېكىتتى.

نازارەتچى: ليۇ يۈەنيۈەن

مۇخبىر \ سىن ئىشلىگۈچى: رىزىۋانگۈل ئابدۇرېقىپ

ماتېرىيال مەنبەسى: ئىلى يۇغۇرما تاراتقۇ مەركىزى، غۇلجا شەھەرلىك يۇغۇرما تاراتقۇ مەركىزى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)